鬼門關打開！禁忌多，你有冇唔小心做左呢……？ @ 林西西的部落格

　　農曆七月禁忌多，一到鬼門關開，好多傳統禁忌令人綁手綁腳，怕無心觸犯佢地而惹禍上身，係咁多禁忌入面除左大家都知唔可以辦喜事同買樓，仲有咩禁忌係唔做得既呢？

(Photo from Flickr: anelasama, CC Licensed)

※ 1、唔好去海邊、河邊

　　係咁敏感時期，近水既地方都要小心，民間所謂既水鬼「搵替身」既事故，都係海邊、河邊出現。

※ 2、唔好靠牆走

　　綜合有陰陽眼既人同民間普遍既講法，冰涼既牆壁係佢地鐘意倚靠既地方，所以諗下當你靠牆走個陣，就等於穿過好多透明物體，可能都係夏日「透心涼」既不二法門（咦）。

※ 3、有人拍膊頭、叫你都唔好即刻擰轉頭

　　有玩開夜遊既人都知規則。根據民間說法，人有三把火：額頭同膊頭，係人既精氣所在，如果有人拍膊頭，就等於滅左你把火，陽氣頓失，佢地自然輕易會搵你，所以當你確定冇人同你一齊行，夜晚係條街度，突然有人拍你膊頭叫你，記得！千！祈！唔！好！擰！轉！頭！但又唔洗跑，真正要搵你既人，點都會努力往前超越你！（開始競走大賽XD）

※ 4、夜間保持寧靜，唔好吹口哨

　　吹口哨容易引起佢地既注意，諗下你開心吹口哨，佢地就係你身邊望住你既一舉一動……（O_o）。除此之外，亂拍、亂敲、亂發出噪音都會得到佢地既注目，你既鄰居都會因為咁而生氣啊。

※ 5、唔好夜晚曬衫

　　民間說法係濕既衫再加上濕氣同離子作用，容易比佢地附係上面，敏感既鬼月，夜晚曬衫就等於係提供一串既「停車場」，加重衣服晦氣。科學說法係冇即刻比太陽伯伯曬既衫會容易孳生細菌，對人唔健康。

※ 禁忌太多到底要點保身呢？

　　禁忌就係要我地小心行事，好似鬼月本身就係玩水旺季，本身容易發生意外，所以大家要平常心，吃飽訓好，唔好比自己精神渙散，咁就可以避開「陰險」既事！

　　真係驚既人，可以隨身攜帶增加正面能量既物品，好似有神明造型既物品，或者係廟度求個護身符，現家大街小巷都有好多創意贈品令人安心。有廠商就出左關公造型USB手指，造型USB手指掛係車度或者明顯既地方就有正氣效果（邊個咁大膽郁關公主！XD），或者大廟會送正神既創意贈品，都可以拎一兩個帶係身，實用得黎又安心。：）