林西西的部落格

父親節禮物排行！第四名怪怪地？！

　　一年一度既父親節，除左請爸爸食大餐，父親節禮物當然唔少得。下面既父親節禮物排行，保證激發你送禮創意！

1. 剃鬚刀

(Photo from Flickr: joshjanssen)

　　剃鬚刀一直都係熱門父親節禮物，除左係實用既日常用品，價錢都唔會話太貴。唯一要考慮既係，如果爸爸鐘意留鬚，咁剃鬚刀就唔洗諗喇！

2. 曬命錶

　　一個成熟既男人，當然要帶返隻襯得起佢既錶。一隻有質感既手錶代表一個人既社經地位同品味。送錶就好似送名牌袋比媽媽咁，爸爸返工個陣可以同人講︰「隻錶係我個仔／囡送架！」

(Photo from Flickr: AlwaysThirteen)

3. 電子產品

　　電話、電腦、相機、平板、家電、遙控飛機、機器人玩具等等，都列入考量。男人對科技都有著一股熱忱，鐘意追最新、最多人讚既產品，（其實如果有能力，送車都得既……），所以，睇下屋企冇邊樣，或者爸爸一直想要某個機器人，但母后唔批准，買件「玩具」比爸爸過過癮啦！

4. 訂造USB手指

排第四既訂造USB手指令人訝異，畢竟好少人會送訂造USB手指做父親節禮物。如果係公司，訂造USB手指就唔意外，好似車廠既訂造USB手指，就係車廠經濟實惠又實用既禮品，一黎幫公司賣廣告，二黎吸引愛車既爸爸們。

(Photo from Xebe)

5.按摩椅

按摩椅一直都係孝敬長輩既好選擇，爸爸媽媽收工可以坐上去嘆返下。另一方面，其實放係屋企，大家攰既時候都可以去坐下啊！不過因為按摩椅比起其他選擇會貴好多，雖然非常岩做父親節禮物，但係冇辦法成為父親節禮物既前三名啊。當然，爸爸唔介意你做1仔，幫佢人手按摩啦！

　　諗好買咩父親節禮物沒呢？仲唔去準備？比爸爸有個難忘既父親節啦！